Zekiri i drejtohet Bujar Osmanit: Në dëm të kujt ishte koalicioni LSDM-BDI?

Shpërndaje

Nënkryetari i LSDM-së, Muhamed Zekiri sonte në televizionin Telma theksoi se BDIja s’ka të drejtë të flas me kë mund të bëjë koalicion BDIja, për shkak se LSDM-ja mbajti të zgjedhjet lokale bashkërisht me BDInë.

“Ata që na akuzojnë se koalicioni me Besën është në dëm të shqiptarëve, mendoj për BDInë dhe Bujar Osmanin, por ai të mos harrojë se në dëm të kujt ishte koalicioni gjatë zgjedhjeve lokale. Në dëm të kujt ishte koalicioni në zgjedhjet presidenciale. Do të thotë se po e pranojnë se kanë punuar kundër shqiptarëve që kanë shkuar me LSDM-në. Ç’do të thotë Bujar Osmani? Mendoni se njerëzit harrojnë? Sa i përket koalicionit gjatë zgjedhjeve lokale, të gjithë e dinë edhe në parti se unë isha kundër një koalicioni të tillë”, u shpreh Zekiri.

Zekiri shtoi se partia e tij ka mbajtur gjithë fushatën me BDInë gjatë vitit 2017 në zgjedhjet lokale.

“U bë kompromis që të ndihmohet BDIja, edhe pse unë mendoj se ishte në dëm të LSDM-së ndihma që ia dhamë atëherë. Tani ata dalin dhe thonë se parti tjetër shqiptare s’ka të drejtë të jetë në koalicion parazgjedhor me LSDM-në”, tha Zekiri.