Haradinaj publikon fotografi me nënën e tij për 8 mars

Shpërndaje

Ish-kryeministri i Kosovës, Ramush Haradinaj, me rastin e 8 Marsit, ka thënë se populli shqiptar historikisht ka sakrifikuar jashtëzakonisht shumë, ndërsa gruaja ka qenë shtylla në përballje me sfidat nëpër të cilat kemi kaluar.

Haradinaj ka postuar një fotografi në Facebook, me nënën e tij ka thënë që shoqëria jonë ka përparuar në respektimin e të drejtave të grave, por sigurisht ka shumë punë për t’u bërë.

Postimi i plotë në Facebook:

“Sot shënohet 8 Marsi, Dita Ndërkombëtare e Gruas. Populli shqiptar historikisht ka sakrifikuar jashtëzakonisht shumë, kurse gruaja ka qenë gjithmonë shtylla në përballje me sfidat nëpër të cilat kemi kaluar. Shoqëria jonë ka përparuar në respektimin e të drejtave të grave, por sigurisht se ka edhe shumë punë për t’u bërë”.

“Na takon të gjithë neve që të angazhohemi në forcimin e rolit të gruas në familje dhe shoqëri. Le të na shërbejë dita e sotshme si pikënisje dhe inspirim për secilin prej nesh për të punuar shumë në këtë drejtim”.