Kurti publikon letrën që ua ka dërguar Trumpit dhe Pompeos (Dokument)
Kryeministri i Kosovës, Albin Kurti, ka bërë publike letrat që i ka dërguar presidentit të SHBA-së, Donald Trump, dhe Sekretarit të Shtetit, Mike Pompeo.
Kurti ka publikuar letrat në rrjetin social Twitter.
“Sot i kam shkruar një letër Presidentit të SHBA-së, Ekselencën e tij Z. Donald J. Trump dhe Sekretarit të Shtetit, Ekselencën së tij Z. Mike Pompeo, në përkushtimin e tyre ndaj qeverisë së re në Kosovë”, ka thënë Kurti.
Në letrën e Kurtit drejtuar Trumpit dhe Pompeos, tregohet edhe për planin e tij për heqjen e tarifës 100% për produktete Serbe dhe Bosnje e Hercegovinës, më 15 mars, shkruan Gazeta Insajderi.
“Ne e pranojmë që për dy vitet e fundit ka pasur keqkoordinim midis përfaqësuesve të Kosovës në lidhje me rolin, interesat dhe qëllimet e Kosovës në dialog me Serbinë, si dhe mungesë të qartësisë se kush flet për Kosovën në skenën ndërkombëtare dhe në tryezën e bisedimeve”.
“Kjo do të përfundojë nën qeverinë time. Qeveria ime dhe unë si Kryeministri i saj kemi mandatin, vullnetin politik, si dhe detyrën kushtetuese për të marrë përsipër përgjegjësi të plotë dhe ekskluzive për udhëheqjen e këtij procesi dhe përfaqësimin e Kosovës në nivelin më të lartë diplomatik”, shtoi ai.
Today I have written a letter to the President of the United States of America, His Excellency Mr. Donald J. Trump @realDonaldTrump and Secretary of State, His Excellency Mr. Michael R. Pompeo @SecPompeo on the commitments of the new government in #Kosova. pic.twitter.com/z76ToMjFKy
— Albin Kurti (@albinkurti) March 2, 2020
