Pas rrëzimit të Qeverisë Kurti, vjen reagimi i Albulena Haxhiut
Pak momente pas shkarkimit të Qeverisë Kurti, ka ardhur reagimi nga Albulena Haxhiu, raporton Gazeta Blic.Ajo ka shkruar “sot, Qeveria u rrëzua me mocionin e PLANifikuar nga Thaçi&Mustafa”.
Reagimi i plotë:
Të dashur qytetarë,Më 6 tetor, ju na dhatë mbështetjen për të qeverisur me vendin.Që nga 3 shkurti, ditën kur u votua Qeveria, ne kemi punuar pa u ndalur për të jetësuar programin e zotimet tona, me nderë e përkushtim.
Sot, Qeveria u rrëzua me mocionin e PLANifikuar nga Thaçi&Mustafa. LDK, sikur edhe herëve të tjera, iu rikthye gjirit të vjetër, iu rikthye atyre që e zhvatën shtetin që 20 vite.
Ndryshimet që i nisëm për shtetin e së drejtës, zhvillimin ekonomik e mirëqenien, arsimin e shëndetësinë, na lanë në gjysmë, LDK tradhtoi besimin e qytetarëve.
Të dashur qytetarë, mos u dëshproni sepse ky shtet do të bëhet dhe do rikthehemi edhe më fuqishëm e edhe më të fortë dhe atë shumë shpejt dhe do t’i vazhdojmë punët e mira që i kemi nisur!