Takohen Kurti dhe Haradinaj (Video)
Kryeministri Albin Kurti dhe ish-kryeministri Ramush Haradinaj me sa duket i kanë relaksuar sot gjatë ditës paksa raportet, raporton Gazeta Express.
Të dy këta janë parë në shoqërimin e njëri tjetrin, në shënimin e Ditës Kombëtare të Bullgarisë, që po mbahet tani.
Së fundmi, Kurti dhe Haradinaj këta kanë pasur përplasje mes vete, sidomos pas paralajmërimit për heqje të taksës për produktet serbe dhe boshnjake.
Ish-kreu i qeverisë, Ramush Haradinaj kishte deklaruar para mediave disa dite me parë se ka marrë ftesë për takim nga kryeministri i Kosovës, Albin Kurti.
Haradinaj ka deklaruar se Kurti i ka dërguar një letër urgjente për takim, për të folur për tema me interes nacional.
“Z.Kurti sot më ka dërgu një letër, urgjent për parlament në takim. Dje ka dalë në konferencë për shtyp, ai sot më dërgon një letër më kërkon në takim me bisedu për tema të interesit nacional”, ka thënë ai.
Haradinaj ka shtuar se ja ka kthyer letrën, duke i treguar që është gati që të ulen e të bisedojnë.
“Unë i kam kthy një letër atij, i kam treguar që jam i interesuar me bisedu, ju kam drejtuar disa herë publikisht, por, ju nuk keni gjetë kohë për një temë të cilën kam kontribu, pasi e keni marrë vendimin e keni thirr një takim sa për sy e faqe ky është më shumë se ofendim”, thotë ai.
Gjithashtu në takimin që kanë pasur për pak minuta, “Taksa nuk është mirë të largohet”, është dëgjuar Haradinaj t’i thotë Kurtit
VIDEO
