UEFA anulon prenotimet, shtyhet EURO 2020?!

Klubet evropiane kërkojnë të përfundojnë kampionatet dhe Ligën e Kampionëve në çdo mënyrë duke kërkuar edhe shtyrjen e “Euro 2020”. Sidoqoftë, kjo do të vendoset në mbledhjen e sotme, por një sinjal për anulimin e Euro 2020, ka ardhur në ditën e sotme. Nga Danimarka bëhet e ditur se janë anuluar të gjithë prenotimet e UEFA-s për hotelet. Këtë herë Europiani do të zhvillohej në 12 qytete të ndryshme dhe Kopenhagen ishte një prej tyre, por vendimi i UEFA-s për të anuluar rezervimet duket se nuk le shumë vend për interpretim.