Familja Zaev jep donacion prej 100 mijë eurove për t’u përballur me koronavirusin

Nuk kanë të ndalur donacionet e kompanive për të mbështetur sistemin shëndetësor në përballimin e situatës me pandeminë me koronavirusin.

Një gjest të madh ka bërë familja e ish-kryeministrit dhe liderit socialdemokrat, Zoran Zaev, e cila ka dhuruar një donacion prej 100 mijë euro për nevojat emergjente të Ministrisë së Shëndetësisë. Bëhet fjalë për pajisje dhe pako me materiale që i janë të nevojshme institucioneve të shëndetësisë. Bëhet fjalë për dy pako që janë dhuruar nga dy kompanitë që menaxhohen nga familja Zaev. Në paketën e parë, kompania dhuroi 5,000 carshafë në vlerë 25,000 euro dhe në paketën e dytë ajo dhuroi 3,000 skafander, 2,000 vizore dhe 25,000 maska ​​mbrojtëse në vlerë prej gati 75,000 euro. Një tjetër kompani e familjes Zaev, e cila merret me biznesin e veshjeve, ka punuar skafander mbrojtës dhe i dhuron ato në spitalin e Strumicës, si dhe spitalet përreth. Donacione të tilla u ofrohen rregullisht organizatave private shëndetësore në rajon.

Më herët, familja Zaev përgatiti dhe shpërndau 700 pako ndihme ushqimore tek shtabi komunal i krizave për qytetarët e qyteteve më të prekur në koronavirus si Dibra dhe Kumanova. Me ndihmën e rreth 1.500 paketave, familja Zaev shpërndau për bashkëqytetarët e tyre në Strumicë, por edhe në qytete të tjera.