Kreu i shoqatës shqiptare në SHBA: Grenell lobon për serbët, kemi gati emrin e ri (Video)

Shpërndaje

Marko Kepi, president i shoqatës “Rrënjët shqiptare në Amerikë”  ka deklaruar në një intervistë për Abc News se do të kërkojnë shkarkimin e Richard Grenell, duke pretenduar se ky i fundit është aleat me Serbinë dhe lobon për interesat e saj.

“Ne kemi bërë kërkesë që ta pushojë nga puna ambasadorin Grenell. Është po ai lob që kemi çuar Millosheviç në Hagë dhe kemi luftuar për pavarësinë e Kosovës. Eliot tha se administrata Trump nuk po e menaxhon si duhet situatën politike në Kosovë por kjo deklaratë nuk pi më ujë.

Trump nuk i vlerëson këshillat e tij sepse e ka kundërshtar. Sot është koha që republikanët mund ta ndihmojnë çështjen e Kosovës.

Ambasadorët nuk janë të përjetshëm dhe ne do kërkojmë një person tjetër që të vihet për të mbikëqyrur çështjen Serbi Kosovë sepse Grenell është vendosur aty për shkak të lobimit serb. Serbët kanë lobuar në Rusi për mbështetje. Sot ata po bëjnë lojën që kemi bërë ne dikur por ne duhet t’i sugjerojmë më shumë Trump për çështjen shqiptare”, tha Kepi.

Ai mbështeti rolin e qeverisë Kurti pavarësisht influencave të huaja, ndërsa shtoi se shoqata që ai drejton ka gati disa emra për zëvendësuesin e Grenell.

“Albin Kurti ka treguar seriozitetin e tij dhe besoj se nuk i vë shumë faj partive politike në Kosovë dhe kanë qënë të ndikuar nga Grenell, për shkak të pozitës së tij. Mund të them se qeveria Kurti ka vepruar në mënyrën e duhur.

Kemi disa emra për të zgjedhur një zëvendësues të Grenell. Disa prej tyre punojnë në Washingtoon”, theksoi Kepi./abcnews.al