“Mos luaj me Kushtetutën” – mesazhi i eurodeputetes gjermane për presidentin Thaçi
Presidenti i Republikës së Kosovës, Hashim Thaçi, tashmë ka filluar konsultat me partitë politike për krijimin e një qeverie të re pa shkuar fare në zgjedhje të reja.
Megjithatë eurodeputetja gjermane, Viola Von Cramon, në një reagim në profilin e saj zyrtar në Twitter, thotë se presidenti Thaçi duhet të mendojë dy herë nëse është vendim i mençur që të shkarkojë qeverinë aktuale.
Sipas saj në këtë kohë krize me pandeminë, Kosovës i nevojitet një qeveri funksionale.
Viola Von Cramon ndër të tjera i ka bërë thirrje presidentit të vendit që të “mos luaj me Kushtetutën”, derisa njerëzit po vdesin si pasojë e pandemisë me COVID-19.
