Kurti i prezantohet një zonje në Ministri: “Se ndoshta ju s’po më njihni, unë jam Kryeministri” (Video)

Kryeministri në detyrë, Albin Kurti, e ka vizituar sot ministrinë e Shëndetësisë, bashkë me ministrin në detyrë, Arben Vitia.Kurti pati bashkëbisedim me disa prej vullnetarëve e punonjësve të kësaj ministrie.Ministri Vitia e prezantoi një nga punonjëset si një nga “më pozitivet”, e Kurti i tha asaj se e njeh.

“Juve zonja Maki ju përmend shumë Beni, sa herë që vjen te unë. Të gjithë ne ju njohim, se ndoshta ju s’po më njihni, unë jam Kryeministri”, tha Kurti, ndërsa të pranishmit ia nisën të qeshin.

Ndërkaq zonja tha se do të vazhdojë të punojë, dhe se është e lumtur për një fotografi. “Për mua kënaqësia më e madhe është ta bëjmë një foto…”, ka thënë Kurti.