Spanjollët mbushin rrugët, shijojnë lirinë pas disa javësh izolim nga Covid-19

Shpërndaje

Spanja duket se po i kthehet dalë ngadalë normalitetit.

Qytetarët dolën nga shtëpitë e tyre të shtunën herët, dhe u lejuan për herë të parë pas shtatë javësh masa shtrënguese kundër përhapjes së Covid-19.

Sipas BBC-së, njerëzit kanë dalë për të shëtitur, vrapuar dhe për të kryer aktivitetet e tyre të përditshme. Megjithatë mbeten ende në fuqi rregullat e distancimit fizik dhe oraret e kufizuara për të shmangur turmat.

Gjatë 24 orëve të fundit, në Spanjë janë shënuar 276 viktima, duke e çuar në 25,100 numrin total të vdekjeve.

Aktualisht në vend rezultojnë 242,988 të infektuar dhe 142,450 të shëruar. Ju kujtojmë se nga dita e sotme, Spanja nisi lehtësimin e masave kufizuese./topchannel/

Foto EPA: