Spasovski prezanton pakon e tretë të masave ekonomike: Do të ndahen 355 milionë euro, do të përfshihen 730 mijë shfrytëzues

Kryeministri teknik Oliver Spasovski gjatë konferencës së sotme ka prezantuar pakon e tretë të masave ekonomike. Ai tha se masat kanë të bëjnë me revitalizimin, rimëkëmbjen e ekonomisë dhe stimulimin e shpenzimeve dhe industrisë.

“Bëhet fjalë për ndihmë direkte të qytetarëve dhe ekonomisë. Do të përkrahen të gjitha kategori edhe ato të rrezikuar dhe tjerët. Do të shpërblehen edhe mjekët dhe personeli mjekësor në klinikat infektive”, tha kryeministri teknik, Oliver Spasovski.

Sipas tij këto janë masa për një ekonomi zhvilluese dhe do të stimulohet oferta ekonomike.

“Vlera e masave të treta kapin shifrat e 355 milionë euro dhe nëpërmjet tyre do të përfshihen 730 mijë shfrytëzues”, tha ministri teknik Oliver Spasovski.