Thaçi telefonatë me kryeministrin e Kroacisë, para Samitit të Zagrebit

Shpërndaje

Presidenti i Kosovës, Hashim Thaçi, sot ka zhvilluar bisedë telefonike me kryeministrin e Kroacisë, Andrej Plenkoviq, në kuadër të përgatitjeve për Samitin e Zagrebit që do të mbahet pasditen e sotme.Zyra e Presidentit ka njoftuar se Thaçi shprehu mirënjohje për këmbënguljen e Kroacisë që të mbahet Samiti i Zagrebit edhe në kushtet e pandemisë së shkaktuar nga COVID-19.“Jemi mirënjohës që keni insistuar që samiti të mbahet edhe në këto kushte dhe që po mbani Ballkanin Perëndimor lart në agjendën e BE-së. Kosova dhe Kroacia janë partnerë strategjikë në rajon dhe në perspektivën evropiane”, është shprehur presidenti.Kroacia është kryesuese e radhës e BE-së në gjysmën e parë të këtij viti dhe siç thekson Presidenca, e ka prioritet të kryesimit të saj afrimin e BE-së me Ballkanin Perëndimor.