Zhelina përfiton rreth 750 mijë euro për 5 projekte madhore, memorandumi nënshkruhet nga kreu i saj, Blerim Sejdiu

Është nënshkruar sot memorandumi për shfrytëzimin e mjeteve për pesë projekte madhore në komunën e Zhelinës mes kreut të saj Blerim Sejdiu dhe ministrit për transport dhe lidhje, Goran Sugarevski. Bëhet fjalë për projekte në vlerë prej rreth 750 mijë euro të cilat do të shfrytëzohen në ndërtimin e rrugëve Zhelinë – Pallaticë, Pallaticë – Uzurmisht, rrugë në fshatin Kapazhdoll, rrugë në fshatin Trebosh si dhe disa rrugë lokale në fshatin Zhelinë edhe atë 2A, 1 dhe 2.

Kështu bën të ditur kreu i kësaj komune Sejdiu përmes një postimi ku shihet teksa merr pjesë në eventin e nënshkrimit të memorandumit mbi shfrytëzimin e këtyre mjeteve.