Aktivizohet LDK-ja në Kodrën e Trimave: “Me Vjosën, Poshtë Isa Mustafa” (Foto)
Ngjarjet e fundit në politikë duket se i kanë lënë të pakënaqur votuesit e LDK në Kodrën e Trimave.
Siç merret vesh, disa banorë afër degës së parë të LDK në Kodrën e Trimave, dyshohet ta kenë nisur një aksion si shenjë mbështetjeje për më të votuarën e LDK-së, Vjosa Osmanin.
Pakënaqësia më e madhe lindi kur Vjosa Osmani, personi më i votuar në LDK, e po ashtu kandidate për Kryeministër, u la anash nga krerët e partisë së saj.
E kjo pakënaqësi rezultoi duke shprehur revoltën e tyre përmes shkrimeve neper mure, kështu duke kërkuar udhëheqjen e LDK-së nga Vjosa Osmani.
Parullat që u panë ishin këto:
“E duam Vjosën kryetare të LDK-së”
“Me Vjosën”
“Poshtë Isa Mustafa”
Ku është̈ Vjosa jemi ne”
“Me Vjosën jo me Isën”
Mesazhi i këtyre parullave është i qartë. Votuesit e LDK kërkojnë që partia duhet të udhëhiqet nga Vjosa Osmani.
E në rast se nuk ndodh kjo atëherë përmes fjalës “Ku është Vjosa jemi ne” të pakënaqurit shprehin gatishmërinë në rast se Vjosa Osmani krijon partinë e saj atëherë edhe ata do ta ndjekin.
Këto janë fotot e dërguara nga banorët e lagjes.
