Kryetari i LDK’së i ‘duartroket’ Qeverisë Hoti që largoi reciprocitetin: Vendim i guximshëm
Kreu i Lidhjes Demokratike të Kosovës, Isa Mustafa ka reaguar menjëherë pas vendimit të qeverisë së Kosovës për heqjen e masës së reciprocitetit ndaj Serbisë, siç e ka konsideruar vet kryeministri Hoti si largim i pengesave për t’i hapur rrugë dhe për t’i dhënë shancë dialogut.
Mustafa ka thënë se ky ësgtë vendim i guximshëm dhe njëkohësisht se qeveria Hoti dëshmoi përkushtimin e saj për partnerët strategjikë, SHBA dhe BE.
Më tutje, ai thotë se pritet nga Serbia të tregojë a është e interesuar për dialog.
Ai thotë se të gjithë duhet të jenë unik dhe të përkrahin qeverinë.
Ky është reagimi i tij:
Vendimi i sotëm i Qeverisë Hoti për heqjen e të gjitha pengesave për dialog që qon në njohje reciproke ndermjet Kosovës dhe Serbisë, është vendim i guximshëm.
Qeveria Hoti dëshmoi përkushtimin e saj për partneritet strategjik me SHBA dhe BE.
Pritet që hapa të njëjtë të ndërmerr edhe Serbia; të tregojë se a është vërtetë e interesuar për dialog që i kontribuon paqes dhe stabilitetit në rajon dhe me gjerë.
Ndërkaq, të gjithë ne duhet të jemi unik dhe të përkrahim qeverinë që dialogu të jetë i suksesshem. IM.
