Qytetarët nga Kosova “pushtojnë” bregdetin, një milion pushues gjatë korrikut

Pushuesit nga Kosova edhe këtë vit janë treguar besnik të bregdetit shqiptar. Pavarësisht situatës së pandemisë së koronavirusit, mijëra qytetarë kosovarë kanë udhëtuar këtë të shtunë drejt bregdetit të Shqipërisë për të pushuar.

Numri i madh i automjeteve, krijoi fluks dhe radhë të gjata ne piken kufitare të Morinit që në orët e para te mëngjesit.

Ndonëse një pjesë e tyre mbajnë maska, koronavirusi nuk i tremb. Madje ka nga ata që e injorojnë plotësisht praninë e tij.

Sipas autoriteteve vetëm gjatë orëve të mëngjesit në ketë pikë kufitare kaluan rreth 6000 shtetas kosovarë.

Policia Kufitare bën me dije po punon me te gjitha kapacitetet dhe me procedura të përshpejtuara që udhëtarët mos të presin shumë në Kufi.

Një numër i lartë i qytetarëve të Kosovës kanë kaluar kufirin për të pushuar në bregdetin shqiptar.

Pavarësisht situatës së krijuar nga Covid19 ku ka pasur shifra të larta të infektuarve dhe viktimave si në Shqipëri e Kosovë, pushimet e qytetarëve të Kosovës në Shqipëri kanë vazhduar normalisht.

Sipas shifrave zyrtare, mëngjesin e kësaj të shtune kanë kaluar rreth 7 mijë e 500 pushues me mbi 1 mijë e 500 mjete. Policia Kufitare në Morinë ashtu si çdo fundjavë ka punuar me të gjitha kapacitetet dhe me procedura të përshpejtuara për të përballuar fluksin e udhëtarëve.

Ndërkohë javën e kaluar kanë hyrë në Shqipëri 51 mijë e 146 shtetas të Kosovës. Burime jozyrtare të doganës kosovare bëjnë të ditur se rreth 1 milionë qytetarë të Kosovës, pushuan në bregdetin shqiptarë gjatë muajit korrik.