Ziadin Sela: Është koha që gjenerata e re e politikanëve t’i udhëheq shqiptarët në Maqedoninë e Veriut
Karvani parazgjedhor i koalicionit “Tani është koha” zhvilloi dy tubime parazgjedhore në rajonin e Gostivar, ku morën pjesë udhëheqësi i Aleancës për Shqiptarët Ziadin Sela dhe kandidatët për deputetë në njësinë e gjashtë zgjedhore të koalicionit “Tani është koha” .
Gjatë vizitës së tij në Debreshe, një nga fshatrat më të mëdhenj në zonën e Gostivarit, Sela kërkoi votën për koalicionin, i cili sipas tij do të mbronte interesat e shqiptarëve dhe bëri thirrje për proces zgjedhor korrekt.
Në Gostivar, në parkun e qytetit në sipërfaqe të hapur, Sela dhe sekretari i përgjithshëm i partisë Aleanca për Shqiptarët, Arben Taravari, iu drejtuan anëtarëve të rinj të partisë, duke theksuar rrezikun nga bastoret. Sela është zotuar të kërkojë mënyrë për të hequr kazinotë pranë shkollave. Ai gjithashtu iu referua edhe qeverisjes të BDl-së.
“Nga BDl pretendojnë se ato janë reformuar, por ata nuk e bënë këtë dhe nuk do ta bëjnë. Nga ana tjetër, koalicioni Aleanca për Shqiptarët dhe Alternativa mbeten subjekte me personalitete më të pastra, të cilët kurrë nuk i kanë ndyrë duart në krim dhe korrupsion dhe kanë dëshmuar se ato mund të udhëheqin ndryshe nëse u jepet mundësia. Ky është rasti me komunën e Gostivarit dhe Ministrinë e Kulturës. Tani është koha që këta politikanë të turpshëm të marrin dënimin që meritojnë dhe që brezi i ri i politikanëve të udhëheqë shqiptarët nga Maqedonia e Veriut”, tha Sela.
Ai kërkoi besimin e popullit të Gostivarit për t’i ndihmuar ata dhe për të bërë ndryshimin dhe sqaroi se me rrethimin e numrit 5 koalicioni Aleanca për Shqiptarët dhe Alternativa do ta bëjë vendin të jetë për të gjithë.
