Ja si dadoja mbron fëmijët gjatë shpërthimit në Bejrut (Video)

Shpërndaje

Shpërthimi që ndodhi pasditen e dieshme në Bejrut ka tronditur mbarë opinionin botëror.

Video të shumta kanë qarkulluar në rrjet, ku nga pozicione dhë kënde të ndryshme mund të shihet mjaft qartë fuqia e atij shpërthimi marramendës.

Një video mjaft e veçantë, është ajo e një dadoje e cila po përkujdesej për tre fëmijë të vegjël, në një apartament në afërsi të portit ku ndodhi katastrofa.

Në momentin e fillimit të flakëve fëmijët së bashku me gruan që përkujdesej për ta, po shihnin nga dritarja e apartamentit atë çka po ndodhte, por në momentin e shpërthimit të madh xhamat thyhen në mënyrë të menjëhershme dhe gruaja mbulon me trupin e saj dy fëmijët më të vegjël, në mënyrë që ata mos të lëndohen. Pamjet janë emocionuese dhe tregojnë veprimin instiktiv heroik të gruas për mbrojtjen e vogëlushëve.