Martohet djali i dëshmorit në Prizren, këngëtari i bën të qajë dasmorët me këngën kushtuar heroit (Video)
Një video emocionuese është publikuar nga këngëtari Xhafer Ahmetaj në një dasmë, ku ai i këndon djalit të një dëshmori i cili kishte mbetur pa baba që në moshën dy vjeçare.
Në fshatin Korishë është mbajtur një dasmë me shumë pak të ftuar, ku aty është martuar djali i heroit Halim Ahmetaj.
Këngëtari Xhafer Ahmetaj i cili këndoi në këtë dasmë, ka publikuar një video tejet emocionuese, ku të gjithë të pranishmit shpërthejnë në lot.
Ahmetaj i këndon disa vargje për heroin Halim Ahmetaj, të cilat janë prekëse.
Disa nga to janë: ”Zogjtë e malit kane nis po knojne, ty Hero Selam po t’qojne, 2 vjeç djalin qe e ke lane, po e bëjm dhëndër, sonte pe martojmë”.
Halim Ahmetaj është dekoruar me urdhrin “Hero i Kosovës” me 7 mars 2017.
Halim Ahmetaj lindi me 2 prill 1970, ndërsa ra heroikisht në luftën e Kosovës me datë 17 mars 1999.
