Për herë të parë në historinë e Serbisë, në Parlament do të ulet një deputete me mbulesë

Për herë të parë në historinë e Parlamentit të Serbisë, do të ulet një deputete muslimane me mbulesë. Ajo është Misala Pramenkoviq nga Partia për Drejtësi dhe Pajtim që drejtohet nga hoxha i njohur i Sanxhakut, Muamer Zukorliq, njofton SHENJA.

Zukorliq madje u shpreh i kënaqur nga rezultati i zgjedhjeve dhe nga fakti se nënkryetarja e Partisë znj, Pramenkoviq është deputetja e parë me mbulesë që do të ulet në Parlamentin e Serbisë.

Boshnjakët në këtë përbërje të re parlamentare të Serbisë do të përfaqësohen nga nëntë deputetë – katër nga lista e PPSH: Akademik Muamer Zukorliq, Samir Tandir, dr. Misala Plenkoviq dhe dr. Jahja Fehratoviq; tre nga lista e SDA: Enis Imamoviq, Mirsad Hodxhiq dhe Selma Kuçeviq; dy nga partia SDP: Muamer Bacevac dhe Samira Cosoviq.

Zgjedhjet parlamentare në Serbi u mbajtën më 21 korrik 2020 në të cilat partia e presidentit serb Aleksandar Vuçiq fitoi 63% të votave.