Qeveria paralajmëron masa të reja ekonomike, kartela për disa kategori të qytetarëve

Pensionistët të cilët marin pensione më të ulëta se 15 mijë denarë, do të marin kartela pagesore vendore, informon Zhurnal.

Kartela pagesore do të ketë gjithashtu edhe për personat e papunësuar dhe prindërit që vet përkujdesen për fëmijët. Kjo është paraparë me pakon e katërt ekonomike të cilën sot e paralajmëroi kryeministri në largim, Oliver Spasovski.

Spasovski, shprehi bindjen se kjo qeveri, do të mbahet mend për atë se në kushte krize, ka vendosur paratë t’i orientojë drejtë qytetarëve.

“Përmes tre grupeve të masave ekonomike për grupet e rrezikuara të qytetarëve dhe sektorët e prekur, turizmi dhe hotileria janë ndarë kartela pagesore vendore për blerjen e prodhimeve të Maqedonisë dhe vauçer për turizëm vendor. Për bizneset janë mundësuar linja kreditore pa interes. Po përgatitet grupi i katërt i masave me të cilat do të zgjerohet përfshirja e qytetarëve dhe bizneseve të cilët do të fitojnë mbështetje financiare nga vendi”, paralajmëroi Spasovski.

I pyetur nëse me grupin e katërt të masave janë përfshirë edhe disa degë të caktuara biznesi, Spasovski, tha se mendohen dhe shqyrtohen edhe këto opsione dhe kur do të jetë e nevojshme shteti do të ndihmojë.

“Këto masa për pensionistë, për të papunët kërkuesit pasiv të punës, për prindër kryefamiljarë dhe për punëtorët e falimentuar. Këto janë katër kategoritë për të cilët kemi biseduar deri më tani dhe se këto vendime do të implementohen menjëherë pas formimit të qeverisë”, deklaroi Spasovski.

I pyetur për atë pse qeveria tre javë nuk sjell vendim për bankën e re që do të punojë me postat, Spasovski tha se, Postat e Maqedonisë është shoqëri aksionare dhe se vendimet i sjelli në nivel të këshillave drejtues dhe mbikëqyrës të kompanisë.

“Bazuar në vendimet që do të merren, disa kërkojnë pëlqimin e qeverisë. Deri më tani nuk kemi pasur kërkesë për pëlqim, kur të kemi kërkesë për pëlqim për ndonjë vendim, ne qëndrojmë në dispozicion dhe besoj se qeveria e ardhshme do ta bëjë këtë”, deklaroi Spasovski.

I pyetur për atë nëse qeveria mendon të kërkojë kredi të re nga bankat dhe përmbaruesit, Spasovski, shkurt, tha se të formohet qeveria e re, dhe të shohim çfarë mendojnë.

Ai sot ka potencuar arritjet e vendit derisa ishte në fuqi Qeveria teknike, ku mes të cilave veçoheshin anëtarësimi në NATO dhe marja e datës për fillim të negociatave.

Ai paralajmëroi se do të hetojë punën e ministrit teknik në MPB Naqe Çulev, sepse sipas tij, në MPB kanë ndodhur gjëra të çuditshme.

Ai i bëri thirrje opozitës të reformohet dhe të kyçet në ndryshimet të cilat i sjellin të mira qytetarëve dhe shtetit.