Të gjitha rrugët nuk shkojnë në Reçicë të Vogël

A do të vendosin numrat ose parimet? Edhe pse BDl e konsideron veten një partner pa të cilin nuk mund të formohet qeveria, të parët që duan ta anashkalojnë atë janë partitë shqiptare, shkruan in7.

Zyrtarët e BDl-së pas zgjedhjeve treguan për “matematikën” e cila sugjeron që të gjitha rrugët drejt qeverisë së re të çojnë përmes Reçicës së Vogël. Sidoqoftë, “shenjat rrugore” për momentin nuk tregojnë se ka një frekuencë të lartë të rrugës që çon në selinë e BDl-së. LSDM-ja, nga ku shkëmbyen shigjeta të mprehta verbale me partinë e udhëhequr nga Ahmeti, kanë qenë më të përmbajtur në deklaratat e tyre në këtë periudhë, dhe në deklaratën e djeshme partia njoftoi se “do të formohet një qeveri e udhëhequr nga LSDM-ja që do të japë rezultate sipas vullnetit të qytetarëve”.

“Mbështetja e qytetarëve për zgjedhjet e parakohshme parlamentare është një erë në shpinë dhe një sinjal i qartë për vazhdimin e rrugës që kemi shtruar. Le të ketë mirëqenie për qytetarët, le të ketë drejtësi, le të jemi pjesë e familjes evropiane. Nuk do të kthehemi më, nuk ka më regjim dhe pasiguri. Qytetarët dëshirojnë të jetojnë në një vend të përparuar ekonomikisht me vlera evropiane në vend, një vend ku ligjet janë të barabarta për të gjithë dhe dhe një anëtar i NATO-s, që është krah për krah i barabartë me vendet më të fuqishme në botë. Do të pasojë formimi i një qeverie të udhëhequr nga LSDM, e cila do të japë rezultate në përputhje me vullnetin e qytetarëve”, thuhet në deklaratë e LSDM-së, përcjell in7.

Ajo që lë shumë hapësirë ​​për interpretim, duke pasur parasysh që para zgjedhjeve në kontekstin e “regjimit” jo vetëm që u përmend VMRO-DPMNE-ja, por edhe BDl-ja, me mesazh se është koha që integristët të shkojnë në opozitë pas 18 vjetësh në pushtet.

Jo me BDl-në

Ata që shprehen qartë se nuk po konsiderojnë bashkëpunim me BDl janë nga Koalicioni i Aleancës për Shqiptarët dhe Alternativës. Nga ky Koalicion sqarojnë se një shumicë me LSDM-në dhe PDSH-në është e pranueshme për ta, por jo me BDl-në. Dhe duke pasur parasysh që ky grup do të kishte 59 deputetë, ata besojnë se shumica e 61 votave mund të mbështeten nga deputetë të tjerë që mbështesin qëllimet e integrimit të vendit. Në këtë kontekst, ata theksojnë njoftimet nga LSDM-ja se “të gjithë deputetët do të kenë mundësinë të bashkohen me forcat përparimtare të drejtuara nga LSDM-ja që sigurojnë sukses, përparim dhe zhvillim, të mbështetur nga shumica e qytetarëve dhe bashkësia ndërkombëtare”, përcjell in7. Kjo sugjeron që deputetë nga partitë e tjera mund të bashkohen në koalicionin fitues LSDM-Besa dhe partnerët e tyre të mundshëm, me qëllim të mbështetjes se vendit në intergimet evropiane.

Opsioni i dytë i pranueshëm për Aleancën dhe Alternativën është një shumicë me LSDM-në dhe VMRO-DPMNE-në, përsëri pa BDl, por deri më tani nuk ka indikacione nëse kjo do të ishte e pranueshme për të dy partitë kryesore maqedonase. Për koalicionin ASH-AAA, bashkëpunimi me VMRO-DPMNE është i pranueshëm, por jo edhe me partinë e Majta.

Dy kërkesa nga marshi për demokraci

Zgjidhja e enigmës nuk është e lehtë, duke pasur parasysh numrat. BDl fitoi 15 vende, Aleanca e Shqiptarëve dhe Alternativa 12, PDSH një, e Majta dy. BDl tashmë ka njoftuar se nuk dëshiron të jetë në qeveri me partin E Majta, Aleanca / Alternativa rithekson se ata nuk duan një qeveri me BDl.

“Çdo gjë është e mundur, por është shumë e vështirë dhe pothuajse e pamundur të formosh një koalicion me BDl dhe nuk besoj se do të bëhet. Sidoqoftë, janë organet e partisë që vendosin për një gjë të tillë”, ka thënë sekretari i Përgjithshëm i Aleancës për Shqiptarët, Arben Taravari.

Drejtuesit e Aleancës për Shqiptarët dhe Alternativës, Zijadin Sela dhe Afrim Gashi, në fjalimin e tyre drejtuar Zyrës së BE-së në Shkup përmbanin disa kërkesa për vendet anëtare të BE-së, duke përfshirë edhe mosnjohjen legjitimitetit të BDl si përfaqësues i shqiptarëve dhe të fillojnë procesin e reformimit të Kodit Zgjedhor, pasi, sipas tyre ky legjitimitet është i vjedhur.

“BDl nuk është fituese e këtyre zgjedhjeve, por është një hajdut i vullnetit politik shqiptar. Sipas KSHZ-së, mund të ketë legalitet, por kurrë nuk do të ketë legjitimitet ta përfaqësojë popullin shqiptar në Maqedoninë Veriore. Nëse ne jemi një vend që synon integrimin evropian, liria dhe demokracia duhet të jenë fjala kryesore për këtë integrim. Ne kërkojmë nga vendet e BE-së të dënojnë abuzimin e të drejtës së votës dhe të mos njohin legjitimitetin e BDl si përfaqësues të shqiptarëve në Maqedoninë e Veriut, si dhe të fillojnë procesin e reformës rrënjësore të Kodit Zgjedhor për të bërë një shembull se si një vend përmbush standardet evropiane për një proces zgjedhor të drejtë dhe demokratik,” kanë thën nga Koalicioni “Tash është Koha” në marshin për demokraci.

Ljupço Nikolovski: Nuk është koha për ndarje

A do të vendosin numrat ose parimet? Sekretari i Përgjithshëm i LSDM-së, Ljupço Nikolovski, në një kolumnë për “Kapital” e përshkroi zgjedhjen e partnerëve të koalicionit si një marrëveshje për të pranuar parimet kryesore.

“E di që të gjithë duan të dinë me kë do të bëjmë këtë(Qeverinë). Partnerë në këtë mision do të jenë ata që do të respektojnë parimet që unë i kam përshkruar gjatë gjithë këtij teksti,” shkroi Nikolovski, përcjell in7.

Në kolumnën e tij, ai parashtron tre pika kryesore të perspektivës Euro-Atlantike.

“Tre pikat kryesore do të jenë më të rëndësishme për atë perspektivë. Ne duhet të forcohemi ekonomikisht dhe të përpiqemi sa më shumë që të jetë e mundur të përballemi me ndonjë përkeqësim të mundshëm të situatës me Covid-19. Lidhur me këtë është pika e dytë, dhe kjo ka të bëjë me përgjigjen e suksesshme të sistemit shëndetësor ndaj rrezikut të koronavirusit në të ardhmen, por edhe tani. Ne duhet të reagojmë ashpër dhe me vendosmëri, duhet të mbrohemi! Dhe pika e tretë, jashtëzakonisht e rëndësishme, është përfundimisht të bëjmë reforma të forta në gjyqësor, që të pastrohet njëherë e përgjithmonë sistemi i pistë gjyqësor (…) Si fitues, sigurisht që do të vendosim se kush do të hyjë në qeveri. Zgjedhja do të jetë ajo që do të na çojë në mënyrën më të shpejtë dhe më të efektshme për të përparuar në negociatat me BE-në, gjyqësorin e reformuar, ekonominë e forcuar, fqinjësinë e mirë dhe paqen, depolitizimi i shoqërisë dhe një përgjigje e fortë ndaj sfidave të Covid-19. Është koha që të kemi një politikë në të cilën qeveria dhe opozita do të punojnë së bashku për të mirën konsensuale, në të cilën propozimet e vlefshme të opozitës do të pranohen pa asnjë fjalë, në të cilën do të ketë një unifikim të vërtetë të interesave kombëtare nga të gjitha partitë serioze! “Ky nuk është koha për ndarje,” ka shkruar Nikolovski.