Fiks Fare nxjerr në shesh keqpërdorimet e ministrisë së Meliza Haradinajt (Video)
Ish ambasadorja e Kosovës në Hungari, Luljeta Vuniqi edhe pas dy vjetësh që nuk e ka më këtë post vazhdon të përdor veturën me targat diplomatike.
Kjo u bë e ditur në emisionin Fiks Fare të Top Channel, të cilët ishin para banesës së ish ambasadores Vuniqi e cila nuk pranoi të fliste për veturën e saj që kishte ende targat diplomatike.
Gazetarja e këtij emisioni ka provuar që të kontaktoje edhe me ministren e Punëve të Jashtme, Meliza Haradinaj për të kuptuar se pse përdoret ende vetura me targa diplomatike nga një ish ambasadore por që e njëjta nuk i ka kthyer përgjigje dhe as nuk i ka lënë që të xhirojnë jashtë ministrisë.
Luljeta Vuniqi ishte ambasadore e Kosovës në Hungari në vitin 2018, ndërsa me herët ka qenë edhe Drejtoreshë e Qendrës Kosovare për Studime.
Në vazhdim mund të ndiqni videon:
