Zekiri jep dorëheqje nga mandati i deputetit, falemenderon votuesit e tij

Deputeti Muhamed Zekiri ka dhënë dorëheqje nga mandati i deputetit, pasi siç mësohet ai do të emërohet si drejtor në një nga institucionet e eshalonit të tretë në Qeveri.

Në postimin e tij në Facebook, ai ka falamenderuar votuesit e tij që i dhanë mandatin në zgjedhjet e fundit parlamentare dhe zotohet se do të vazhdojë në sfidat e reja duke ju shërbyer qytetarëve.

Muhamed Zekiri:

Ju faleminderit për besimin të gjithë votuesve në zgjedhjet e fundit parlamentare. Ju dëshiroj suksese kolegëve në Parlament. Vazhdojmë me sfida të reja i shërbejmë qytetarëve.