Presidenti i Bullgarisë, Radev kërkon kapitull të veçantë në bisedimet e Maqedonisë me BE-në

Shpërndaje

Presidenti i Bullgarisë Rumen Radev kërkon hapjen e një kapitulli të veçantë në kornizën negociuese për Maqedoninë, i cili do të përmbajë të gjitha kriteret për fqinjësi të mirë.

Sipas tij, Bullgaria duhet të mbrojë historinë, gjuhën dhe identitetin e saj.

“Askush përveç vetes sonë nuk mund ta bëjë atë. Unë jam i bindur se duke bashkëpunuar haptas me fqinjët dhe vëllezërit tanë, ne do të gjejmë zgjidhjen e duhur, por meqenëse Marrëveshja e Fqinjësisë së Mirë nuk u çon atyre, ne kemi të drejtë të kërkojmë mjete të tjera. Bullgaria nuk është një kandidat për anëtarësim, por Republika e Maqedonisë së Veriut. Ajo duhet të vendosë vetë nëse do të vazhdojë me ideologjitë e urrejtjes së së kaluarës ose të fillojë zhvillimin demokratik”, tha Radev.

Ai pretendon se ai e bindi Qeverinë e Bojko Borisov se nuk mund të ketë mbështetje pa rezerva për Shkupin dhe se me propozimin e tij në Parlament në Sofje u miratua korniza kombëtare me “vijat e kuqe”.