Zoran Zaev: Ja cilin post do ta merr Muhamed Zekiri

Pasi dhe dorëheqje nga posti i deputetit të LSDM-së, Muhamed Zekiri u përfol se do të emërohet Drejtor në Fondin për Sigurim Shëndetësor.

Mirëpo, sipas vendimeve të fundit kadrovike të Qeverisë, u.d Drejtor i Fondit për Sigurim Shëndetësor është emëruar Stevo Kërstevski, i cili vjen nga LSDM-Veles.

Klan M ka kërkuar sqarim nga Kryeministri Zoran Zaev rreth emërimit të fundit. Kryeministri ka bërë të ditur se është duke e planifikuar për një pozitë tjetër.

“Jam duke e planifikuar për një pozitë tjetër. Muhamed Zekiri është Nënkryetar i LSDM-së dhe kaloi një mandat në parlament. Tani do të merr përgjegjësi në ekzekutiv” – është përgjigjur me shkrim për Klan M Kryeministri Zoran Zaev.