Është arritur përparim në Komisionet për Çështje Historike

Është bërë përparim në Komisionin për Çështje Historike, tha sot Kryeministri Zoran Zaev, përcjell Telegrafi Maqedoni.

Ai tha se bisedimet me Bullgarinë duhet të vazhdojnë pavarësisht nga rezultati i ardhshëm i Këshillit të Ministrave.

“Marrëveshjet me Greqinë dhe Bullgarinë duhet të zbatohen. Në këtë drejtim, Buçkovski duhet të jetë motivues për realizimin e marrëveshjeve. Bisedimet me Bullgarinë drejtohen nga Ministria e Punëve të Jashtme, domethënë Bujar Osmani, ndërsa përfshihet edhe zv. kryeministri Nikolla Dimitrov.

Sigurisht, kabineti im është gjithashtu këtu, por edhe ambasadori në NATO, Dane Talevski. Këto ditë po bëhen përpjekje për të gjetur zgjidhje. Ne më parë kemi përgatitur njerëzit që është e mundur të mos miratojë kornizën negociuese, dhe kështu të fillojmë negociatat. Por strategjia jonë është që ne duhet të vazhdojmë të flasim dhe do të bëjmë përpjekje maksimale deri në momentin e fundit”, tha Zaev.

Komisioni i Përbashkët brenda dy ditëve do të kërkojë përsëri zgjidhje për revolucionarin Goce Dellçev.