Zyrtarisht: Shpejtim Bulliqi sot merr detyrën e e Kryetarit të Podujevës (LIVE)

Këtë të hënë, Kuvendi Komunal i Podujevës do të mbajë seancë solemne, ku do ta marrë detyrën Kryetari i ri i Komunës së Podujevës, Shpejtim Bulliqi, i cili do ta bëjë betimin bashkë me kabinetin e tij.

Kandidati i Lëvizjes Vetëvendosje, Shpejtim Bulliqi, ka fituar zgjedhjet për kryetar të Podujevës me 51.64% të votave.

Kryetarja e KQZ’së, Valdete Daka, ka thënë se Bulliqi ka fituar pa balotazh sipas rezutlateve preliminare.

Shpejtim Bulliqi është kryetari i i komunës së Besianës.

Kandidati i VV’së ka mposhtur në zgjedhjet e parakohshme dy kundërkandidatët: Nexhmi Rudari nga LDK dhe Naim Fetahu nga PDK.

Bulliqi ka fituar zgjedhjet me 51.64% të votave duke evituar raundin e dytë.

Bulliqi është një ish-anëtar i LDK’së që la partinë për t’iu bashkangjitur VV’së. Ai në të kaluarën kishte postin e drejtorit të arsimit në komunën të cilën e fitoi. Bulliqi ishte edhe ish-deputet i LDK’së ndërkohë që tani ka fituar mandatin si deputet në lsitën zgjedhore të VV’së. Vendi i tij në Kuvend pritet të zëvendësohet, transmeton “Kosovo Insights”.

Zgjedhjet e parakohshme në këtë komunë janë mbajtur për shkak se kryetari paraprak Agim Veliu la pozitën për tu bërë ministër i Punëve të Brendshme në Qeverinë e Kosovës. Vlen të ceket se data e zgjedhjeve të parakohshme është shtyrë disa herë për shkak të situatës me pandemi në Kosovë.

Bulliqi do ta udhëheqë komunën vetëm për 8 muaj, deri në mbajtjen e zgjedhjet komunale në tërë Kosovën, pra në fund të vitit 2021.

Është hera e parë në 20 vitet e fundit që LDK humb zgjedhjet lokale në këtë komunë.