Gazetarja: A mendoni se do të merrni mbi 50% të votave? Ja si përgjijet Kurti

Kandidati për kryeministër nga Lëvizja Vetëvendosje, Albin Kurti, përmes një postimi në Facebook ka thënë se sot është ditë e ndritshme ashtu siç do të jetë edhe e ardhmja jonë. Qytetarë kanë nevojë për demorkaci dhe institucionet për legjitimitet.

Ai më tej ka thënë se Kosova këtë të diel i kthehet popullit si burim i sovranitetit.

Ndërsa, i pyetur se a do të merrni mbi 50% të votave, ai është përgjigjur se fushata ka përfunduar pardje, sot e kanë fjalën qytetarët.

Postimi i plotë:

Prononcimi im pas votimit në Fakultetin Juridik të Universitetit të Prishtinës

Sot është ditë e bardhë, e ndritshme, ashtu siç do të jetë edhe e ardhmja jonë. Qytetarët kanë nevojë për demokraci, institucionet kanë nevojë për legjitimitet. Sot kjo nevojë është edhe e drejtë, e cila, më tej, paraqet mundësi e shans që duhet shfrytëzuar dhe duhet përdorur.

Kosova si shtet i pavarur këtë të diel i kthehet popullit si burim i sovranitetit.

Me dashuri për vendin, duhet votojmë.

– Gazetarja: Z. Kurti, a mendoni se do të merrni mbi 50% të votave për të formuar qeverinë i vetëm?

– Përgjigja: Fushata ka përfunduar pardje, sot e kanë fjalën qytetarët.