Mediat e huaja lartësojnë Markun: E rrahu, e kapi peshqirin dhe e vendosi atë si kapele!
Florian Marku triumfoi me dorëzim kundër rivalit britanik Rylan Charlton në ‘Wembley Arena’, të shtunën mbrëma, në meçin e kategorisë së lehtë.
‘Mbreti Shqiptar’ mbajti fjalën dhe nuk i la asgjë rastit kësaj radhe, duke triumfuar në rundin e tetë.
Ai tash ka një bilanc prej tetë fitoreve (gjashtë me nokaut) dhe një barazimi.
Moment interesant ishte triumfi i Markut, derisa ekipi i Charltonit hodhi peshqirin në ring për ta dorëzuar meçin, pasi boksieri i tyre nuk po mund të qëndronte në këmbët e veta.
Në momentin kur hidhet peshqiri, Marku e kap atë, e vendos në kokë dhe fillon të kërcejë.
E ky veprim e ka fascinuar gjigantin mediatik ‘DAZN’, e cila ka postuar videon e momentin me mbishkrimin:
”Nuk jemi të sigurtë nëse e kemi parë ndonjëherë këtë: Florian Marku e kapi peshqirin nga këndi i Charltonit, pastaj e vendosi si kapele.”
Shikoni momentin:
Not sure we've ever seen this one: Florian Marku caught the towel from Charlton's corner, then wore it like a hat 😂 @FlorianMarku92 pic.twitter.com/QdZJkFzgNw
— DAZN Boxing (@DAZNBoxing) February 20, 2021
