Përditë bëjmë telefonata për vaksinat, çështje ditësh është kur do të arrijnë, tha Zaev

“Ja në Shqipëri arritën vaksinat, dhe pres këto ditë të arrijnë edhe vaksinat Pfizer”, kështu kryeministri Zoran Zaev ka premtuar se së shpejti do të kemi vaksina anti-Covid edhe në vend.

Ai ka njoftuar se vazhdimisht bëjnë telefonata dhe dërgojnë mesazhe për të marrë përgjigje për vaksinat. Premton se arritja e tyre është çështje ditësh.

“Çdo ditë lajmërohemi në telefonata, në e-mail që të na japin përgjigje për vaksinat. Qoftë ajo kineze, apo ruse. Por besoni, në pyetje janë çështje ditësh”, tha Zaev, transmeton TV21.