Rektori Ahmeti: “GËZUAR 7 MARSIN, DITËN E MËSUESIT”

Shpërndaje

GËZUAR 7 MARSIN, DITËN E MËSUESIT

Të nderuar miq,

Universiteti i Tetovës, si përfaqësues i arsimit të lartë në gjuhën shqipe në vendin tonë, 7 Marsit – Ditës së Arsimit dhe Shkollës Shqipe ia ka kushtuar rëndësinë e veçantë që e meriton kjo datë historike.

Këtë vit, 7 Marsin e shënojmë në kushte jo të favorshme për arsimimin në përgjithësi, i cili po përballet me sfidën më të madhe globale, pandeminë Covid -19.

Pikërisht edhe për këtë arsye, Dita e Arsimit dhe e Shkollës Shqipe, na e përkujton figurën e nderuar të mësuesit, përpjekjen e tij titanike përballë sfidave të kohës.

Në këtë ditë të shënuar për shkollën dhe arsimin tonë kombëtar, ndjej obligim t’u shprehim mirënjohjen tonë më të thellë edhe plejadës së profesorëve të parë të Universitetit tonë, të cilët sakrifikuan të gjitha forcat e tyre mendore dhe fizike për ta ngritur këtë tempull të diturisë në nivelin e një Universiteti modern, të cilin e gëzon sot kombi shqiptar.

Mësuesve tanë të nderuar dhe të gjithë punonjësve të arsimit ua uroj festën e 7 Marsit, me dëshirat më të mira për suksese të reja në misionin e tyre të shenjtë, arsimimin dhe edukimin e gjeneratave të reja.

Me respekt,

Prof. Dr. Vullnet Ameti

Rektor i Universitetit të Tetovës