Pacolli uron Edi Ramën për fitore: Shqipëria e kaloi testin e madh
Kreu i Aleancës Kosova e Re (AKR), Behgjet Pacolli, ka uruar kreun e Partisë Socialiste (PS) në Shqipëri, Edi Rama për fitore në zgjedhjet e 25 prillit.
Pacolli përmes një postimi në Facebook, shkruan se Shqipëria kaloi testin e madh të organizimit të zgjedhjeve të lira e demokratike.
“Kryeministrin shqiptar Edi Rama e uroj për fitoren në zgjedhjet e 25 prillit. Shqipëria e kaloi testin e madh të organizimit të zgjedhjeve të cilat ishin të lira dhe demokratike. Kryeministrin dhe stafin e tij e presin shumë sfida nga ky besim i madh qytetar, të cilat jam i bindur se do ti kaloj duke e dërguar vendin drejt zhvillimit dhe prosperitetit”, shkruan Pacolli.
