Shkollat nuk do të mbyllen! Carovska: Gjendja me korona virus në shkolla është stabile

Gjendja me koronavirus në shkolla është stabile dhe nuk ka nevojë për mbylljen e tyre. Kështu tha ministrja e Arsimit dhe Shkencës, Milla Carovska në një intervistë për Radio Evropa e Lirë. Sipas saj për momentin kemi 62 nxënës të infektuar dhe 98 arsimtarë.

“Gjendja në arsim me koronavirus absolutisht është stabile dhe qëndroj pas kësaj me përgjegjësi, për shkak se më 3 dhjetor në gjysmëvjetorin e parë ishte vala më e madhe dhe atëherë kishim 168 arsimtarë dhe 88 nxënës. Tani kemi vetëm 62 nxënës na gjithë territorin e shtetit dhe 98 arsimtar, që do të thotë se ende jemi shumë më poshtë nga ajo valë të cilën e kishim në dhjetor, e të mos flas se ajo është më pak se 1% nga numri i përgjithshëm u arsimtarëve dhe 0.06% të nxënësve”, u shpreh Milla Carovska – Ministre e Arsimit dhe Shkencës.