Kurti pas shkarkimit të bordit të AKP-së: Të mirat vijnë ngadalë, por të këqijat duhen ndalur shpejt

Shpërndaje

“Të mirat vijnë ngadalë, por të këqijat duhen ndalur shpejt’

Kështu e nis shkrimin e tij në Facebook kryeministri Albin Kurti pas shkarkimit të bordit të AKP-së.

Kurti thotë se ky është vetëm hapi i parë drejt shuarjes së këtij institucioni, gjë që i hap rrugën themelimit e Fondit Sovran.

Reagimi i plotë:

Të mirat vijnë ngadalë, por të këqijat duhen ndalur shpejt.
Sot Kuvendi votoi për shkarkimin e bordit të AKP-së, që të ndalet tjetërsimi e zhvatja. Ky është vetëm hapi i parë drejt shuarjes së këtij institucioni, gjë që hap rrugën për themelimin e Fondit Sovran. Si Qeveri, sot po ashtu jemi autorizuar që të propozojmë një bord të ri para Kuvendit, bord i cili do të ketë një mandat të ri, në përputhje me strategjinë zhvillimore të Qeverisë sonë.