Osmani shtron iftar për udhëheqësit e BIK-ut, Kurtin dhe Konjufcën

11/05/2021 admin

Shpërndaje

Presidentja e Kosovës, Vjosa Osmani ka shtruar sonte një iftar për udhëheqësit e Bashkësisë Islame, kryeministrin Albin Kurti dhe kryetarin e Kuvendit, Glauk Konjufca.

Kryeministri i Kosovës, Albin Kurti ka shpërndarë disa fotografi nga iftari, duke uruar që besimtarët të kenë një agjërim të pranuar.

“Muzgu i ditës së sotme na gjeti të bashkuar në iftarin e shtruar nga Presidentja e Republikës së Kosovës, Vjosa Osmani, ku së bashku me udhëheqësit e Bashkësisë Islame të Kosovës të prirë nga Myftiu Naim Tërnava, ishim të ftuar unë dhe Glauk Konjufca, Kryetar i Kuvendit të Kosovës.

Duke qenë një kohë bamirësie dhe përsiatjeje shpirtërore, Ramazani na rikujton t’i vendosim nevojat e të tjerëve para tonave ndërsa vlerat islame të dhembshurisë dhe bujarisë marrin edhe më shumë kuptim në situatën aktuale me COVID-19″, ka pohuar Kurti.

Tutje, ai ka shkruar ” uroj që Ramazani i ardhshëm të na gjejë mirë, shëndetplotë e në paqe. Të gjithë besimtarëve e besimtareve u uroj agjërim të pranuar”.

You May Also Like