Katër fëmijët shqiptarë gjejnë kuletën të mbushur me dokumente e para, e dorëzojnë në polici

Shpërndaje

Katër fëmijët shqiptarë gjejnë kuletën të mbushur me dokumente e para, e dorëzojnë në polici.

Njoftim dhe falënderim

Gjest i mirë i katër të rinjve, të cilët kuletën e gjetur me një shume të hollave e dorëzojnë në polici dhe të njëjtat i kthehen pronarit Vushtrri, 25 gusht 2021.

Katër të rinj- fëmijë të cilët e kanë gjetur kuletën me dokumentacion dhe me një shumë të hollave duke vepruar ndërgjegjshëm i kanë dorëzuar në Stacionin Policor në Vushtrri.

Ky gjest i mirë, është raportuar dje me datën 25 gusht 2021, rreth orës 14:30 nga të rinjtë të cilët deri sa ndodheshin në rrugën “Skënderbeu” afër shkollës “Mustaf Venhari”, kanë gjetur një kuletë me dokumentacion dhe një shumë të hollave.

Policia pasi ka identifikuar dhe verifikuar personin të cilit i ka humbur kuleta me dokumentacion dhe të hollat, të njëjtat ia ka dorëzuar pronarit, me ç’rast i njëjti ka falënderuar katër të rinjtë (fëmijët) dhe Policinë e Kosovës.

Drejtoria Rajonale e Policisë në Mitrovicë, ju është mirënjohëse katër të rinjve (fëmijëve) për gjestin e ndërgjegjshëm.