Derisa në perëndim mbyllen xhamitë, Erdogan në Turqi ia vë themelin Kishës së Lashtë Ortodokse Asiriane
Presidenti i Republikës së Turqisë, Recep Tayyip Erdoğan mori pjesë në ceremoninë e hedhjes së gurthemelit të Kishës së Lashtë Ortodokse Asiriane “Mor Efrem” në Stamboll, transmeton Gazeta e Re. Ai gjatë fjalimit të tij tha se dyert dhe zemrat e tyre kanë qenë të hapura deri në fund për të shtypurit që kanë ardhur nga Spanja e deri në Afrikën Veriore.
“Dyert dhe zemrat tona kanë qenë të hapura deri në fund për të shtypurit që kanë ardhur në tokat tona nga Spanja e deri në Afrikën Veriore. Së fundmi rreth 4 milionë njerëz nga Siria dhe Iraku janë të mirëpritur në vendin tonë, në mesin e të cilëve gjenden vëllezërit tanë arabë, kurdë, turkmenë si dhe asirianë, jezidë dhe njerëz të grupeve të besimeve të ndryshme”, shtoi Erdoğan.
Ai tha se pavarësisht problemeve dhe shkatërrimit që dhimbjet në rajon kanë shkaktuar në 150 vitet e fundit, nuk është lejuar as tronditja më e vogël në vullnetin e bashkëjetesës.
“Në mendjet dhe zemrat tona nuk ka pasur dhe nuk do të ketë vend për diskriminim”, tha presidenti turk.
Ndryshe, Popullsia Ortodokse Asiriane në Turqi është rreth 25 mijë. Shpërndarja e këtij komuniteti është kryesisht në qytetet si: Stamboll, Midyat, Mardin, Dijarbakir, Elazığ, Adıyaman dhe Ankara.
