Tetova vendos kabina në stacione prej 4500 euro! Në fshatin Përshevcë kabina ka kushtuar 1000 euro
Komuna e Tetovës ka nënshkruar dy kontrata për vendosjen e kabinave në stacionet e autobusëve. Njëra me kompaninë Amazon me vlerë prej 24.390 euro dhe tjetra me Eurovia me vlerë prej 16.286 euro. Për 9 kabina Komuna e Tetovës do të harxhojë 40.716 euro.
Një kabinë qytetarëve të Tetovës do tu kushtojë 4.524 euro.
AMAZON– 24 290 euro
EUROVIA– 16286 euro
9 kabina– 40716 euro
1 kabinë -4524 euro
Por vallë a është vlerë reale ky çmim i kabinave!?
Shkuam në fshatin Përshevcë të komunës së Tearcës ku para pak ditësh është vendosur një kabinë në stacionin e autobusëve. Abedin Sabri nga bashkësia lokale e fshatit tha se kabina u ka kushtuar 1 mijë euro.
Abedin Sabri: “Ky nënstacion është rregulluar nga një donator i jashtëm dhe ka kushtuar me vlerë 60 mijë denarë. Është nga metali dhe anësh është me qelq është i bërë ekstra”.
Sa është perimetri?
Abedin Sabri: “Perimetri është 3.5 metra, me lartësi 2 metra dhe e gjerësi është 1.5 metra”.
Ndryshe, javën e ardhshme pritet që të zgjidhet edhe kompania që do të furnizojnë komunën e Tetovës me pesë autobusë në vlerë prej 72 milion denarësh.