Haxhiu publikon ftesën e OVL e UÇK-së pas akuzave se nuk i ftuan
Ministrja në detyrë e Drejtësisë, Albulena Haxhiu, tha se është ftuar edhe OVL e UÇK-së në takimin e ekipit punues për themelimin e Institutit për krimet e kryera gjatë luftës në Kosovë.
Ajo tha se kjo organizatë nuk ka qenë e pranishme ne takim dhe se është akuzuar padrejtësisht se nuk e ka ftuar, njofton Klan Kosova.
Për këtë ajo ka publikuar edhe emailin e ftesës duke thënë se kjo nuk qëndron.
Postimi i plotë:
Sqarim
Javën e shkuar, kemi pranuar propozimet e përfaqësuesve të institucioneve, organizatave e shoqatave në ekipin punues për themelimin e Institutit për krimet e kryera gjatë luftës në Kosovë.
Dje kemi mbajtur takimin e parë të Ekipit.
Të gjithë të ftuarit, ishin të pranishëm, përveç përfaqësuesja e Agjencisë së statistikave dhe përfaqësuesi i OVL – UÇK-së.
Sot, u akuzuam nga përfaqësuesit e organizatës që nuk i kemi ftuar në takimin e djeshëm.
Kjo nuk qëndron.
Në vijim gjeni dëshminë për ftesën që kanë pasur e pranuar.