Arritën 100 mijë vaksina, dhuratë nga armata kineze
Në poliklinikën “Jane Sandaski” në Shkup, kanë arritur edhe 100 mijë vaksina kineze të kompanisë “Sinofarma”, të cilat janë donacion për Maqedoninë e Veriut nga Ministria e Mbrojtjes në Kinë. Ministri i Shëndetësisë Venko Filipçe tha se donacioni i sotëm do i shtohet sasisë së vaksinave që i kemi të shpërndara mbarë vendit. Në vendin tonë, me vaksina kineze pati filluar vaksinimi masiv, pasi gjatë muajit të kaluar arritën 200 vaksinë të kompanisë “Sinofarm”, të cilat Qeveria i bleu me marrëveshje direkte me prodhuesin.
Venko Filipçe, ministër i Shëndetësisë
“Me procesin e vaksinimit me vaksinat kineze të cilat arritën para shumë javësh, tashmë ka filluar procesi i vaksinimit, ato janë shpërndarë, kanë mbetur edhe 50 000 doza, e cila dueht të aplikohet dhe tani këtë sasi do ta shtojmë tek vakzinat egzistuese dhe do ta vazhdojmë procesin e imunizimit pas grupeve më prioritare, dhe më tej do të vazhdoj për të gjithë popullsinë në vendin tonë”.
Ministrja e Mbrojtjes Radmilla Shekerinska tha se me këto doza të reja do të vazhdoj edhe vaksinimi ndaj Armatës dhe Ministrisë që ajo drejton.
Radmilla Shekerinska, ministre e Mbrojtjes
“Kjo sasi e vaksinave do na jep shansë që ta vazhdojmë procesin e vaksinimit ndaj pjesëtarëve të Armatës dhe Ministrisë së Mbrojtjes, por, kuptohet se sasia më e madhe si dhe në rastet e tjera do të jenë për nevojat e punonjësve shëndetësorë dhe nevojat e qytetarëve”.
Ambasadori i Kinës në vend, Xhang Su deklaroi, se ky është edhe një aksion konkret për ndihmë të qytetarëve të Maqedonisë dhe demonstrim i shpirt të fqinjësisë.
Mbrëmë në Aeroportin e Shkupit, arritën edhe 38 400 vaksina tAstra Zeneka, përmes mekanizmit Covax. Përndryshe, janë paralajmëruar edhe 500 mijë vaksina “Sinovak”.
Deri dje, në Maqedoninë e Veriut kundër Covid-19 janë vaksinuar 203.324 qytetarë. Dozën e parë të vaksinës e kanë marrë 12.719 qytetarë, ndërkaq dozën e dytë të vaksinës e kanë marrë 24.851 qytetarë. Vetëm dje janë vaksinuar 13.482 qytetarë./shenja
