Çun Lajçi: Albini na i zbardhi fytyrat si bora që ra sot!
Kryeministri i Kosovës në detyrë Albin Kurti, ka hequr nga sot në mesnatë taksën ndaj mallrave serbe dhe boshnjake, por ka vendosur masën e reciprocitetit.
Ky vendim i tij vie, pasi Kurti ka deklaruar se këtë e kishte premtuar në fushatë dhe poashtu kjo ishte në marrëveshjen e koalicionit me Lidhjen Demokratike të Kosovës.
Aktori dhe shkrimtari Çun Lajçi, përcjell Bota sot.
Ai ka thënë se Kurti në “ditë rrenash foli drejtë”.
“Hiqet taksa tha
Po vemë reprocitet
Tash ne që nuk i besuem
Pos i fusim kokat n’borë t’na ftofën
E ftyrat t’na zbardhën
Postimi i plotë:
Ai tha po vemë reprocitet
Sot
Po rrimë n’lëkurat tona
S’po i nxijmë fytyrat me rrena
T’bardha le t’mbetën vetëm sot
Sot që bie borë
N’pranverë
Nesër mund t’lavdërohemi
Si dje
Me t’bamet e zeza
E
T’pa bamet e bardha
T’shajmë t’allkojmë t’rrejmë
Veç grushtat t’i mbajmë
Për kokat e zbrasta
Ai
Për t’cilin thamë se mbanë fjalën
Rrenë e mashtron
Sot n’ditë rrenash drejt foli
Hiqet taksa tha
Po vemë reprocitet
Tash ne që nuk i besuem
Pos i fusim kokat n’borë t’na ftofën
E ftyrat t’na zbardhën
Tjetër s’na ka mbetë
Dardania, 01.04.2020
