Ndërron jetë gazetari i njohur i RTK-së, Sulejman Gashi

Ka ndërruar jetë korrespodenti i RTK-së në ShBA-së, Sulejman Gashi, ka njoftuar familja e tij.

Njoftimi i plotë:

Të dashur familjarë dhe miq,

Me pikëllim të thellë ju njoftojmë që sot, më 11 shtator 2020, ndërroi jetë më i dashuri ynë z. Sulejman Gashi. Ai po luftonte shumë që të rikthehej nga gjendja e rëndë që kishte pësuar katër vjet më parë.

Varrimi i të ndjerit do të bëhët në vëndlindjen e tij në Kosovë, vendin të cilin ai e deshi aq shumë. Sulejman Gashi bëri një jetë dhe la një vepër, me domëthënie të jashtëzakonshme për familjen, profesionin, vendin dhe kombin e tij.

Në ditët në vijim do të ju japim informata të mëtutjeshme. Ne jemi mirënjohës për respektin dhe dashurinë që njerëzit e kanë për më të dashurin tonë, Sulejmanin, por ju lusim që bashkërisht të respektojmë masat e shëndetit publik në këtë kohë pandemie.

Ju jemi mirënjohës për respektimin e privatësisë sonë në këtë kohë tejet të vështirë për familjen dhe farefisin tonë.

Me respekt,

Familja e z. Sulejman Gashi

Stafi i portalit ALBAZONE MEDIA, i shpreh ngushellime te thella familjes GASHI!