Haxhiu: Ai që ka përdhosur Kushtetutën pothuajse në secilin NEN të saj, del e flet për Kushtetutën!
Ministrja e Drejtësisë ka komentuar konferencën e sontme të Presidentit Thaçi rreth vendimit të Qeverisë për kufizim të lëvizjes – që sipas Thaçit është vendim antikushtetues.
Haxhiu nëpërmjet një postimi në Facebook tha se Presidenti do që qytetarët të futen në konflikt me policinë, njofton Klan Kosova.
Ky është postimi i plotë:
Ai që ka përdhosur Kushtetutën pothuajse në secilin NEN të saj, del e flet për Kushtetutën!
Sipas asaj që kuptova, Presidenti do që qytetarët të futen në konflikt me policinë. Ai bëri thirrje për anarki.
Kjo është e papranueshme e sidomos kur kjo vjen nga Presidenti. Ky President duhet të largohet.
Vendimi është i ligjshëm dhe në përputhje me masat kufizuese pra kundër përhapjes së virusit corona dhe për ruajtjen e shëndetit dhe jetës së qytetarëve!
